Әйелдер консультациясы бөлімі

ӘЙЕЛДЕР КОНСУЛЬТАЦИЯСЫ БӨЛІМІ

Әйелдер консультациясы (ӘК) – халыққа амбулаториялық-емханалық-профилактикалық, акушерлік-гинекологиялық көмек көрсететін емхананың бөлімшесі.

Антенаталдық емхананың қызметі қалалық кешенді бағдарламалар мен «Отбасын жоспарлау», «Баланы емізуді қорғау, насихаттау және қолдау», «Қауіпсіз ана болу» мақсатты бағдарламаларын жүзеге асыру аясында жүзеге асырылады.

Бөлімше түрлі патологиясы бар әйелдерге өмірінің түрлі кезеңінде консультациялық, диагностикалық және емдеу көмегін көрсетеді:

• Жүктілік кезінде әйелдерді бақылау;
• Жүктілік асқынуларының алдын алу бойынша шаралар;
• Көрсеткіштер бойынша ауруханаға жатқызу;
• Босануға дейінгі және босанғаннан кейінгі күтім;
• Гинекологиялық аурулардың, жүктіліктің шағын мерзімінің ультрадыбыстық диагностикасы;
• Кольпоскопиялық зерттеу;
• Жатырішілік спиральді енгізу және алып тастау;
• Шағын оталарды жүргізу (диатермокоагуляция, диатермоэкцизия);
• Контрацепцияның жеке әдістері мен құралдарын таңдау;
• Гинекологпен кеңесу (бедеулік, жыныстық инфекциялар бойынша);
• «Жас аналар мектебі», «Менопауза мектебі» және «Әйел денсаулығы» бағдарламасын ұйымдастыру.

2005 жылдан бастап емханада жүкті әйелдерді қауіпсіз ана болу қағидаттары бойынша босануға психопрофилактикалық дайындау үшін «Ламаз» мектебі ашылды. Әйелдер консультациясында  есепте тұрған барлық жүкті әйелдер психопрофилактикалық дайындықтан өтеді, бұл жүктілік пен босану ағымын, босанғаннан кейінгі кезеңді жеңілдетеді, әйелдердің жүктілік пен босану туралы хабардарлығын арттырады.